A policia desaloxa a Sala Yago en Compostela

A ocupación e reapertura da Sala Yago como espazo cultural non chegou a cumprir unha semana. Efectivos da Policía Nacional realizaban hai escasas horas unha operación de desaloxo do antigo teatro compostelán, detendo no proceso, e segundo as últimas informacións, a dez persoas. Fóra disto, non se produciron incidentes nunha operación que se iniciou por mandato xudicial. Desde a ocupación da sala o pasado venres, desenvolvéranse na mesma concertos, proxeccións e outras actividades de carácter cultural, e mesmo entidades como o Cineclube de Compostela anunciara que trasladaba as súas actividades a este local. Para as 20 horas está convocada unha concentración de protesta cono este desaloxo na Praza Oito de Marzo.