Ocupa un dos emblemáticos edificios da zona histórica de Santiago e foi, de sempre, un recinto que acolleu proxectos culturais simbólicos para a cidade. Agora, o novo equipo municipal quere recuperar a Sala Yago como escola de teatro para nenos, asà como aproveitar o seu uso para outras actividades como a danza ou o jazz. Segundo publica o xornal El Correo Gallego, o concello de Santiago desbota a compra do inmoble, e baralla o seu alugueiro para o seu proxecto cultural. A nova contrasta co publicado hai uns meses, nos que se apuntaba á reapertura do edificio para uso cultural pero a cargo de entidades privadas.
