Logo de meses cunha orde xudicial de desaloxo, finalmente foi na mañá de hoxe cando a policía interviu na Casa das Atochas. Os ocupantes do centro social ocupado do barrio de Monte Alto, na Coruña, abandonaron o espazo, non sen tensión coas forzas policiais, e participaron en protestas nas rúas adxacentes. Para as oito desta tarde convocouse unha mobilización en protesta polo desaloxo. A intervención policial pon fin así a preto de tres anos de activida sociocultural no barrio.
