O Concello de Ames elimina servizos de lingua, comunicación e cultura

O servizo de normalización lingüistica, o de animación a lectura, o gabinete de comunicación e mais a radio municipal de Ames deixarán de existir. Cando menos, así o pretende o goberno local, que eliminaría deste xeito 12 prazas da relación de postos de traballo e despediría nove persoas. A situación xa foi denunciada por sindicatos e por colectivos como a Coordinadora de Traballadores de Normalización da Lingua, que salienta o contraditorio de eliminar este servizo cando o concello acaba de participar na creación da Rede de Dinamización Lingüística. De cara aos vindeiros días agárdanse novos pronunciamentos e informacións sobre o caso.