Os traballadores en normalización critican a Rede de Dinamización da Xunta

Un excesivo control por parte da Secretaría de Normalización Lingüística, escaseza de de persoal e de recursos ou a ausencia de determinadas entidades son algunhas das eivas da Rede de Dinamización Lingüística da Xunta de Galicia. A Coordinadora de Traballadores de Normalización da Lingua (CTNL) publicaba onte no seu web un informe no que critica duramente a entidade que promoveu a Xunta e, aínda que recoñece a necesidade dun organismo semellante, reclama máis recursos e participación no mesmo.