A CTNL denuncia o risco de desaparición dos servizos de normalización municipais

A suspensión das axudas da Xunta aos servizos de normalización municipais pode pór en perigo a actividade de boa parte das entidades deste tipo que operan no noso país. A Coordinadora de Traballadores/as de Normalización Lingüística sinala que dos sesenta servizos que se manteñen, a metade está en situación de precariedade, e un número similar subsiste na provincia da Coruña grazas ao apoio da Deputación. Ademais, sinala que o atraso en vindeiras convocatorias deixou sen actividade boa parte destes servizos ao longo de 2011 e denuncia que os recursos destinados a este apartado diminuíron desde os 800.000 euros de 2008 a 420.000 € en 2011, cifra que finalmente non se chegou a investir.