Retrato de Álvaro Caruncho por Pedro Puig
O pintor e debuxante satírico coruñés Álvaro Caruncho falecía onte aos 63 anos de idade. Ao parecer, unha doenza cardiaca rematou coa súa vida logo de que hai uns meses sufrise un ictus. Para está mañá estaba previsto o enterro no cemiterio de San Amaro, na Coruña, e ás 20:30 horas oficiarase unha misa funeral na Igrexa de Santa Lucía. Caruncho desenvolveu unha ampla carreira no campo da ilustración satírica, vertente que nos últimos anos abandonara para se centrar na súa produción pictórica. Nos dous campos, o artista conseguiu eco a nivel internacional e recibiu diferentes galardóns.
