O CGAC exhibe o traballo dun dos renovadores da fotografía, Jeff Wall

É un dos artistas máis influíntes da arte dos tres últimos decenios e un dos renovadores da fotografía. Imaxes de gran formato, colocadas en caixas de luz para unha continuidade de que é posible pintar a vida moderna cunha mirada que o propio artista chamou de “cuasidocumental” á que chegou desde postulados próximos ao minimalismo.O sendeiro sinuoso é unha exposición retrospectiva que permite coñecer a evolución deste autor, tanto pola escolma do seu traballo, como porque reproduce obras que permiten situalo no seu contexto. A exposición tivo un acto de preapertura onte, cunha conversa do propio artista, co comisario, Joel Benzakin, e co director do CGAC, Miguel von Haffe. Abrirá ao público o domingo e é unha colaboración do CGAC co Centre for Fine Arts (BOZAR) de Bruxelas.