Mónica Guillán e María Viqueira son as gañadoras da Galicia Fashion Week

Era a grande pasarela pensada para os novos talentos da moda galega. As 22 apostas que desfilaron polas pasarelas instaladas no Hostal dos Reis Católicos esta fin de semana non o fixeron todas no mesmo espazo. Oito deseñadores fixéronno na chamada Zona Cero pensada para alumnos de escolas de deseño e creadores autodidactas que presentaba un estilismo; mentres que outros 14 creadores emerxentes achegaron as súas propostas (en catro estilismos cada un) na Zona E. Cada unha delas tiña un premio, e Mónica Guillán fíxose coa previsa para os emerxentes, que lle permitirá estar nun stand do Espazo Ego da Semana Internacional da Moda de Madrid. O outro premio, o da Zona Cero e consistente nunha sesión fotográfica cunha modelo profesional, foi para María Viqueira. A Galicia Fashion Week desenvolveuse por primeira vez en Santiago e está organizada por José Matteos.