Os creadores presentan as súas últimas propostas en varias pasarelas

080 Barcelona Fashion Week abre as pasarelas que se desenvolven ao longo do ano e que permiten ver as propostas dos creadores téxtiles. Neste encontro, especificamente pensado para deseñadores independentes, o galego Manuel Bolaño presentou unha colección inspirada en Galicia e a cultura castrexa. A vindeira pasarela galega, a XXV edición de Pontus Veteris, non contará coa presenza de María Mariño, Toypes e Charoa, moi afectados pola crise económica. Canda este encontro, aínda que non é pública a listaxe de deseñadores que participarán do 18 ao 23 de febreiro na Madrid Fashion Week, a creadora galega Sara Coleman estará presente na sección El ego, pensada para os novos talentos.