NovaGalicia pecha un dos centros socioculturais de Santiago

O centro sociocultural que a Fundación Caixa Galicia mantiña en Santiago (Carreira do Conde) está pechado ao público de forma temporal. É o único da rede de centros sociais e culturais que a bancarización das caixas galegas previamente fusionadas (a saber, Caixanova e CaixaGalicia) non mantén actividade. De feito, o concello de Santiago quixo contar con este escenario como unha das sedes habituais de Cineuropa, o festival de cinema, e tivo que buscar outras alternativas ante o peche. Fontes da entidade confirmaron o estado temporal de inactividade deste local ata a presentación do “Programa estratéxico da Obra social e Cultural da NovaCaixaGalicia”, que terá lugar en decembro. Este documento conterá os centros, usos e liñas de actuación da entidade.