Os máis de 80 millóns de euros que NovaCaixaGalicia estaba a investir anualmente en obra social corren o risco de desaparecer. O feito de quedar NovaCaixaGalicia con só un 6,84% da nova entidade NCG Banco está detrás deste problema, ao non ter o control sobre os investimentos da mesma. Calcúlase que preto dun terzo dos investimentos en Obra Social estaban destinados a actividades culturais, entre as que se atopaban amplas programacións de música e artes escéncicas, exposicións e outras iniciativas. Ademais, as caixas xestionaban ata o de agora espazos como bibliotecas, centros culturais e educativos e salas de exposición por todo o país.
