Roberto Varela acudiu hoxe ao Parlamento para explicar as liñas xerais do orzamento da consellarÃa de Cultura para o vindeiro 2012. O seu departamento contará con 153,6 millóns de euros para executar as súas liñas de traballo. Varela comezou a súa intervención falando dos programas de promoción e difusión cultural, que se artellarán arredor dos Sectores do Libro, Bibliotecas e Arquivos, nos que a biblioteca da Cidade da Cultura terá un protagonismo central. Con respecto ao Patrimonio, será unha prioridade a conservación, posta en valor e dinamización do Camiño de Santiago e da Rede Galega de Patrimonio Arqueolóxico. Varela anunciou que Agadic incrementa un 19% o seu orzamento e contará con 15,1 millóns de euros en 2011. O turismo, que asume case o 40% dos recursos totais do departamento con preto de 50 millóns, destinará 10,5 millóns á organización e desenvolvemento de acción como campañas institucionais e a creación de dez produtos de cabeceira de marca.
