Nenos e nenas de entre 2 e 6 anos son o público principal de A Semente, o centro educativo que abre as súas portas hoxe en Compostela. O proxecto ten unha dupla vertente e funciona pola mañá como centro educativo e pola tarde como ludoteca, partindo sempre dun traballo en galego que aposta polo asemblearismo a laicidade e a integración coa natureza como algúns dos seus principios rectores. O centro nace da man da asociación A Gentalha do Pichel.
