Galicia é a segunda comunidade do Estado con menos interese polos touros

As corridas de touros non triunfan en Galicia. O noso país é a segunda comunidade, logo de Canarias, na que unha menor porcentaxe da poboación asiste a este espectáculo, un 0,8% dos habitantes. Ademais, debemos ter en conta que nas Canarias está prohibido este tipo de eventos, o que nos sitúa como os últimos que asisten en tendo acceso aos mesmos. O interese dos galegos mesmo diminuíu fronte ao bienio 2006-2007, cando un 2,2% da poboación asistía a estes eventos, segundo os datos do Ministerio de Cultura que fai públicos o Observatorio da Cultura Galega do Consello da Cultura. A tendencia contrasta cunha oferta que se mantén ou medra nos últimos anos, como é o caso das corridas programadas nas festas da Peregrina de Pontevedra e as de María Pita na Coruña.