Como na casa en ningún sitio

Nos últimos dous anos, os galegos visitamos menos museos e monumentos. Así o indica o Anuario de Estatísticas Culturais 2009 do Ministerio de Cultura, no que se pode apreciar como entre o 2002-2003 e o 2006-2007 se rexistra unha caída dun 12% na afluencia de visitantes a museos (dun 30% a un 25,9% da poboación galega) e dun 11% na visita a monumentos no mesmo período que o anterior (dun 35,1 a un 31,6). O mesmo acontece en espectáculos. Segundo o Anuario, a xa minoritaria asistencia a un espectáculo de artes escéncias (un 18,4% da poboación en 2002-2003) agrávase, obténdose neste último bienio analizado unha misérrima cota do 11'9% da poboación. E coa música, igual. Só a escoita de música ascende lixeiramente (máis do 86% dos galegos afirman escoitala) pero a asitencia a concertos, tanto de clásica como de actual, descende lixeiramente.