Ao oeste dos cránios

“O que desencadea a acción é a morte accidental dun home, que fai que os fillos varóns se desputen a herencia e vaise acumular unha tensión que vai dar lugar a unha loita cainita que vai dar á morte e á desolación” explica Quico Cadaval, responsable de dirixir Oeste solitario. Trátase da última montaxe de PT Excéntricas que volve poñer en escena o texto dun irlandés, Martin McDonagh logo do éxito de Un cránio furado. “É un autor que fai historias que nos tocan moito porque teñen relación coa terra, son histoiras sociais onde o humor e a violencia camiñan da man e non insiste na analoxía Galicia-Irlanda, senón que se ambientan na modernidade” puntualiza o director. Nesta ocasión, a montaxe non conta coa coprodución do Festival de Teatro de Carballo, e recupera a María Lado como actriz dramática, xunto con Víctor Mosquera, Evaristo Calvo e Marcos Correa. A obra está no Teatro Principal de Santiago ata mañá, 12 de outubro.

Montaxe: OESTE SOLITARIO
Compañía: Producións Teatráis Excéntricas
Xénero: adulto | teatro de actor
Duración: 100 minutos
Autoría: Martin McDonagh
Dirección: Quico Cadaval
Elenco: Evaristo Calvo,
Víctor Mosqueira,
Marcos Correa, María Lado