As posibilidades de internacionalización da nosa literatura, especialmente en Sudamérica e en Asia, centran o programa das I Conferencias Internacionais do Libro. O encontro, organizado polo Clúster do Libro, contará coa presenza de Amelia Guardiola, representante para Europa da Feira Internacional do Libro de Guadalajara; Vicente Paz, editor brasileiro e representante de Leya Portugal; Jonathan Dunne, filólogo e tradutor, e Natalia Dudek, axente literaria.
