Novacaixagalicia abre auditorio en Compostela o día 20

Logo dun longo proceso de rehabilitación, o edificio de Almacenes El Pilar, na compostelá rúa do Preguntoiro, abrirá o vindeiro 20 de setembro como o novo Auditorio Novacaixagalicia. O acto de inauguración do centro, que conta cun aforo de 700 prazas, comezará ás 19:30 horas, e no transcurso do mesmo darase a coñecer a programación prevista para os vindeiros meses. Polo de agora, confírmase que entre os días 6 e 9 de outubro acollerá o musical Forever King of Pop, centrado en Michael Jackson, e que o 19 de novembro poderá verse no seu escenario o Ballet Nacional de Cuba.