Mario Regueira faise co Lueiro Rey de novela

Outono aquí é o título da obra coa que Mario Regueira se impuxo no Premio de Novela Curta Manuel Lueiro Rey na súa XVIII edición. O certame, convocado polo Concello do Grove, está dotado por 3.000 euros, e contou con trece participantes. Pola súa banda, Calros Solla fíxose co IV Premio de Poesía Victoriano Taibo-Entidade Local Menor de Morgadáns con Holocausto Zacoe, unha alegoría sobre a situación do idioma. Solla impúxose a outros 46 participantes e levou tres mil euros do galardón, que convoca o Instituto de Estudos Miñoranos.