Concepción Álvarez Lebredo leva o Victoriano Taibo de Poesía

A V Edición do Premio Victorano Taibo de Poesía-Entidade Local de Morgadáns foi para María Concepción Álvarez Lebredo. O seu poemario Distancias e Simetrías foi seleccionado polo xurado do galardón, composto por Gonzalo Navaza, Marta Dacosta, Araceli Gonda, Carlos Negro e Miguel Anxo Mouriño, para levar os 3.000 euros e mais a escultura de Fino Lorenzo do premio. O xurado destacou a efectividade "a nivel emocional" da obra e o sinxelo do seu estilo. O Instituto de Estudos Miñoranos publicará a obra no marco da colección Victoriano Taibo.