A arte está destianda a ser un obxecto de pensamentos dixo Hegel. E esta cita do coñecido filósofo inspirou a María Marco, participante no Mestrado de Arte da Universidade de Santiago, a buscar como os artistas se relacionan cos obxectos. Baixo o título de Metaobxectual propón un percorrido por obras de artistas como Rubén Santiago, Fernando Casaás, Carme Nogueira ou Ángela de la Cruz.
Atalaia é o centro de recursos para coñecer aos artistas, as obras, os eventos, as publicacións e as entidades vinculadas á arte contemporánea en Galicia que mantén desde hai un ano Culturagalega.org. O proxecto está coordinado pola Sección de Artes Visuais Contemporáneas do Consello da Cultura Galega e propon a críticos, profesionais e estudantes de arte contemporánea un percorrido guiado polo catálogo que está na rede, para redescubrir as obras dos artistas.