É a súa liña de traballo habitual. Coller obxectos cotiás, do día a día, e colocalos sen ningún tipo de manipulación, noutros espazos. Cobran así un novo significado cos que Wilfredo Prieto (Sancti-Spiritus, Cuba, 1978) se converte nun artista que emprega os xestos ou obxectos máis simples para sorprender ao público. A exposición insírese dentro da liña de traballo Entrar na obra, coa que o MARCO pon o acento no público, no visitante ou no espectador na súa relación coa obra. Baixo o título Esquerda/Dereita, Wilfredo Prieto alude á simetría do espazo no que está a súa intervención ata o vindeiro 5 de xuño.
