O MARCO indagará na reacción do público ante a obra dos artistas e traerá a Martin Creed

Gañou en 2001 o premio Turner e un dos artista conceptuais máis destacados do Reino Unido. Martin Creed protagoniza unha das exposición previstas polo MARCO para 2011, ao desenvolver un proxecto específico a partir da disposición panóptica da pranta baixa. Canda esta, destaca Entrar na obra, un ciclo de exposicións que pretenden afondar na obra a partir da reacción que provoca no espectador. Loreto Martínez Troncoso e Wilfredo Prieto serán os artistas que abran este ciclo. Entre os avances facilitados polo MARCO para este semestre, figura Proxecto Hotel, iniciativa proposta para 2010 que por problemas orzamentarios se adiou ata abril de 2011 e que pretende converter o MARCO nunha habitación de hotel á que están convidados comisarios, artistas e investigadores.