As Memorias das Memorias dun neno labrego abre a colaboración galega no Festlip

É un encontro teatral destacado en Río de Janeiro (Brasil), por iso é relevante a presenza galega por primeira vez. E o encargado de abrir esa colaboración será Cándido Pazó, co seu monólogo que revisita unha das obras de referencia da literatura galega Memorias dun neno labrego, preparada co gallo do cincuenta aniversario da publicacion da novela de Xosé Neira Vilas. A presenza de Pazó é posible grazas á colaboración entre Agadic e o Consello da Cultura Galega, que se insire dentro da súa liña de traballo en acción exterior. O Festlip abrirá as súas portas do 20 ao 30 de xullo.