Nos vindeiros días o DOG publicará a resolución que inicia o procedemento para declarar Ben de Interese Cultural (figura de protección máis alta para o noso patrimonio) a obra completa de Castelao. A día de hoxe contabilízanse que está conformada por preto duns catro mil documentos, como froito dun convenio asinado en 2008 entre a Consellaría de Cultura e a Fundación Castelao para localizar, identificar e catalogar a súa obra (material que está dispoñible na rede). A medida chega no ano que se cumpre o 125 aniversario do nacemento do nacionalista e despois de que o BNG solicitara a declaración de “Ano Castelao” .
