Comeza o proceso administrativo para declarar o Pazo de Meirás Ben de Interese Cultural

A Consellaría de Cultura inicia hoxe o proceso administrativo para declarar o Pazo de Meirás como Ben de Interese Cultural (BIC) na categoría de monumento. Unha decisión á que chega despois de examinar a documentación bibliográfica e históricas recollida por técnicos da consellaría nunha visita realizada o 17 de abril. A declaración suporá un réxime de protección para o monumento, así como a obrigatoriedade de abrir o edificio catro días ao mes.

O procedemento pasa por diferente fases despois de asinar a Resolución de inicio. Nun primeiro momento a Dirección Xeral de Patrimonio pedirá opinión a tres organismo consultivos (Universidade de Santiago, ao Consello da Cultura Galega e á Real Academia Nuestra Señora do Rosario). A partir de aí, publicará no DOG un anuncio que abre un período de información pública dun mes. Un prazo no que os interesados (a familia Francos, os propietarios da construcción ou calquera persoa) poden examinar o expediente e interpor as alegacións que estimen oportunas. Unha vez resoltas ábrese o período de incoación para a declaración do Pazo como BIC. Un procedemento que desde a Consellaría de Cultura pretenden que esté resolto a finais de 2008, aínda que o prazo máximo neste tipo de supostos ten unha duración máxima de 20 meses.