A Xunta inaugura en Pontevedra unha exposición itinerante sobre Castelao

A Xunta inaugurou na Biblioteca Nodal de Pontevedra a exposición Castelao, co obxectivo de amosar a vida e a obra do intelectual e político rianxeiro. A mostra, concebida para ser un contido itinerante entre bibliotecas nodais e centros escolares, está composta por sete paneis con desenvolvemento teórico e complementada con sistemas interactivos e música ambiental galega que explican a súa obra e personalidade. A exposición está promovida pola Consellería de Cultura e a Secretaría Xeral de Política Lingüística.