Titúlase "Antonio Fraguas, memoria dun soño. Viaxe a unha Galicia orgullosa de si mesma" e está composta por un cuadríptico e doce paneis que explican a vida e obra, o itinerario de coñecemento e biografía de Antón Fraguas, o homenaxeado no Día das Letras Galegas 2019, así como o contexto político, social e cultural no que se desenvolveu. A Xunta inaugurou a mostra na Biblioteca Ánxel Casal de Santiago de Compostela o pasado luns, onde se poderá visitar antes de iniciar un camiño por diferentes concellos galegos, como Arteixo, A Coruña, Celanova, Cerdedo-Cotobade, A Estrada, Ferrol, Lugo, Ourense, Pontevedra, Santiago de Compostela, Vigo e, da man da Fundación Otero Pedrayo, Amoeiro.
