Valencia quere copiar o modelo lingüístico que propuxo o PPdeG

Un terzo de materias en valenciano no ensino, outro en castelán e outro en inglés. Esta é a proposta que a Conselleria de Educación de Valencia quere introducir no novo decreto que regulará o emprego de linguas neste ámbito. O proxecto recolle o modelo proposto polo Partido Popular de Galicia que deu pé ao Decreto para o plurilingüismo nas aulas, aínda que no noso país non se aplica a integración xeralizada do inglés en igualdade con galego e castelán. O proxecto valenciano pretende introducir de xeito paulatino a lingua estranxeira e comezará a se implantar a partir do curso 2012-2013.