Catedrático de Lingua e Literatura Galega pola Universidade de Santiago, Ramón Lorenzo foi galardoado pola Fundación Otero Pedrayo co Premio Trasalba 2011. O último domingo de xuño, o homenaxeado recibirá o seu galardón nunha festa literaria que se celebrará na Casa Grande de Cimadevila (Amoeiro). No mesmo distribuirase o libro Ramón Lorenzo, señor das palabras, que conta con colaboracións de amigos, discÃpulos, compañeiros e admiradores do catedrático. Dentro do seu traballo, o xurado valorou a súa crucial contribución ao estudo do galego medieval e mais na súa participación nos primeiros textos para o ensino da nosa lingua no ensino regulado.
