Queremos Galego convoca actos pola lingua en máis de corenta localidades

A Coruña, Bruxelas, Ribeira, Nova York, Cambre, Lugo, Belfast ou Barcelona. Máis de corenta localidades participarán na convocatoria da plataforma Queremos Galego a prol da nosa lingua o vindeiro 17 de maio. A mobilización expansiva celebrarase na maior parte dos lugares às 12 da mañá, quere denunciar a política lingüística da Xunta e reivindicar o papel dos gobernos locais no proceso de normalización.