Queremos galego convoca novas mobilizacións a prol da lingua

Un grande acto institucional en Compostela o vindeiro día 30 é a vindeira convocatoria coa que a plataforma Queremos Galego quere denunciar a política pública encol da lingua. O encontro, que se celebrará previsiblemente no Pazo de Congresos, contará con persoeiros da cultura e da sociedade do país que amosarán o seu compromiso co galego. Do encontro preténdese tirar un documento ao que se lle dará lectura o 17 de maio, Día das Letras. Para esta data, a plataforma convoca, no lugar da habitual mobilización en Compostela, concentracións en diferentes localidades do país.