En plena conta atrás para a mobilización en defensa do galego do vindeiro 18, dúas novas convocatorias súmanse a reivindicación do noso idioma. Por unha banda, a iniciativa Galego. Patrimonio da Humanidade programa para as 12 da mañá do vindeiro 14 de novembro un acto reivindicativo no Teatro Principal de Compostela. O acto contará coa presenza de diferentes nomes da vida social e política do país. Pola súa banda, a plataforma Galego Sempre Mais, que agrupa desde a pasada primavera diferentes colectivos e persoas de óptica reintegracionista, chama a participar na mobilización do vindeiro domingo, e anuncia a convocatoria dunha assembleia o vindeiro 21 de novembro para consolidar a entidade.
