Queremos Galego volta a convocar manifestación para o 17 de maio

Logo da ausencia do ano pasado, a plataforma Queremos Galego anunciaba onte que este ano haberá manifestación a prol da lingua o vindeiro 17 de maio. A Plataforma anunciaba onte a convocatoria do acto, que partirá ás 12 da mañá da Alameda de Santiago. A proposta foi adoptada de xeito unánime polo plenario deste organismo, que decidiu asimesmo desenvolver unha serie de actos públicos por todo o país en datas previas á protesta para animar á mobilización.