O Día do Libro celébrase con atraso este ano

Malia a que a data foi o pasado día 23 de abril, o Día do Libro deste ano celebrarase oficialmente hoxe. Descontos nas librarías actos e declaracións institucionais lembrarán a importancia da lectura. Nese sentido, hoxe mesmo a Consellaría de Cultura publicaba un comunicado no que incide na importancia da cultura escrita e apunta a necesidade de se adaptar aos desafíos da dixitalización do sector, un reto para o que o equipo de dirixe Roberto Varela considera que o país está "ben situada". Do mesmo xeito, Varela publicou en diferentes medios do país un artigo encol da situación do libro na era dixital, chamando a ampliar a idea do libro aos novos soportes. Pola súa banda, a Federación de Gremios de Editores lembrou que o índice de lectura en Galicia se sitúa nun 55%, dous puntos por baixo da media estatal.