A xuntanza do Consello Asesor do Libro que se celebrou onte serviu para que a Consellería de Cultura presentase o Informe sobre os hábitos de lectura e compra de libros en Galicia. Segundo os datos deste estudo, o índice de lectura no noso país sitúase nun 53% da poboación. A cifra está na media do conxunto do Estado para aqueles habitantes de cidades con menos de 500.000 habitantes(53,1%). Unha maior diferenza detéctase na asistencia a bibliotecas, unha actividade que só ocupa habitualmente a un 23% da poboación fronte á media estatal do 27,9%. Na xuntanza, o conselleiro Roberto Varela presentou tamén ante o sector o anteproxecto da futura Lei de Bibliotecas e mais un informe sobre o desenvolvemento do Ano do Libro e da Lectura. Entre outras medidas, Cultura comprometeuse a apoiar a edición electrónica no noso país. Nese sentido, as vindeiras Feiras do Libro contarán cun posto dedicado espcificamente a este formatos de lectura.
