Lemos menos e mercamos menos. Isto é o que se deduce do informe “Barómetro de Hábitos de Lectura e Compra de Libros 2007” que presentou onte a Federación de Gremios de Editores de España. Os datos indican que volvemos ao penúltimo lugar en índice de lectura, pasando do 53% ao 51,2%, que nos sitúa máis lonxe da media estatal (56,9%). Hai que ter en conta que estes datos son relativos ao ano 2007, ano no que aprobou a Lei do Libro e o Plan de Lectura. Un documento polo que Cultura investirá 50 millóns en cinco anos para fomentar o hábito lector e promoverá actuacións arredor do libro.
