Unha instalación multimedia amosará o traballo de Lois Pereiro

A Biblioteca de Lugo acollía esta mañá a presentación da exposicións multimedia coa que a Consellaría de Cultura quere achegar a figura de Lois Pereiro ao público. Bibliotecas e centros de ensino de todo o país acollerán este proxecto, que consta dunha pantalla multitáctil na que os participantes poderán acceder de xeito interactivo aos contidos Fotobiografía, A voz do poeta, Xogando coas palabras e A música. Canda a isto, dúas pantallas achegan información cronolóxica sobre a vida e a obra do autor homenaxeado no día das letras.