Educación quere mellorar as bibliotecas ao 70 por cento dos centros de ensino

Nos vindeiros cinco anos, ata 2015, a Consellaría de Educación prevé estender o plan de mellora de bibliotecas escolares ao 70% dos centros de esino do país. O conselleiro de Educación, Xesús Vázquez, presentaba esta mañá no Parlamento o Plan LÍA 2010/2015 de Bibliotecas Escolares para Lectura, a Información e a Aprendizaxe. O proxecto, que na actualidade chega a 299 centros, incrementarase en 75 máis ao longo deste ano, e prevé apoiar a integración de novas tecnoloxías nestas entidades.