Un congreso analizará as novas tendencias non líricas na poesía

Discursos Non Líricos na Poesía Contemporánea: Espazos, Suxeitos, Medialidade é o título do congreso internacional que se celebrará en Vigo os vindeiros días 26 e 27 de abril. O proxecto, coordinado por Burghard Baltrusch, analizará cuestións como a poesía na esfera pública, a súa relación coas institucións e a economía, o marco espacial da comunicación poética, os novos discursos poéticos ou a poesía como ensaio entre outras moitas cuestións. A iniciativa conta coa colaboración do Grupo Alea de Análise Poética da Universidade de Santiago, coordinado por Arturo Casas e responsables do web Poesiagalega.org.