Capa de Revista de poesia 1
O Grupo Alea de Análise Poética, que coordina o web Poesiagalega.org, presenta o primeiro número da súa Revista de poesía. A publicación compila artigos que se foron subindo ao portal e que logo se maquetan e se publican con carácter semestral. Artigos como o que Claudio Rodríguez Fer lle dedica ao erotismo e a poesía, unha análise de Poesía última de amor e enfermidade de Lois Pereiro a cargo de Mirta Suquet, unha tradución de Poe ou unha entrevista a Xiana Arias fan parte da entrega. O volume está dispoñible integramente para a súa descarga en Internet.
