Fragmento do gravado Historia del apostol de Mauro Castellá (1610)
O mito fundacional, a evolución do edificio, os principais fitos históricos do complexo, a súa importancia artística ao longo do tempo ou a importancia social e mesmo literaria. Estes son algúns dos aspectos encol da Catedral de Santiago que se poden seguir na guía didáctica A arca de pedra: 800 aniversario da consagración da catedral de Santiago de Compostela, publicada dentro dos actos de conmemoración deste feito. A obra, amplamente ilustrada, achega olladas inéditas a un espazo que definiu a cidade que a alberga e que promete ser centro da axenda cultural neste 2011.
