Hai xa oitenta anos que o Convento de San Francisco foi declarado Ben de Interese Cultural, no comezo da II República Española. Agora, o Museo de Lugo, actual ocupante do edificio, desenvolve un intenso programa de actividades para conmemorar este aniversario. Dentro do mesmo, esta mañá preséntabase o libro O claustro franciscano do Museo Provincial de Lugo. Ata o vindeiro mes de xuño desenvolveranse visitas guiadas, contacontos, exposicións de fotografías antigas e conferencias entre outras iniciativas, e o Museo acollerá actos específicos por datas sinaladas como o Día do Libro ou o Día das Letras.
