Faleceu o debuxante Nené Stivill, nado en Pontevedra

Nené Stivill, debuxante habitual nas publicacións da editorial Bruguera nado en Pontevedra, faleceu o pasado mércores aos 84 anos de idade. Stivill, que desenvolveu unha intensa actividade profesional entre os anos 50 e 1991, creou algunhas das series máis coñecidas da editorial Bruguera, como Agamenón, La terrible Fifí ou Silvano Mengano, que se publicaron en diferentes revistas. Desde 1987 estaba afincado en Mallorca.