A resucitada editorial Bruguera editará traducións ao castelán de autores que escriban en galego

Vinte anos despois do seu peche en 1986 a Editorial Bruguera volve a sacar libros do prelo. O novo libro de Alfredo Conde “Lukumí”, presentado en galego hai uns días por Editorial Galaxia, é unha das obras que inauguran esta segunda etapa de Bruguera. Neste sentido a editorial barcelonesa dirixida por Ana María Moix vai dedicar unha especial atención aos autores que escriben en galego, catalán ou vasco, coa intención de publicar as traducións destes ao castelán. Tamén a galega Susana Fortes, que publica en castelán a súa obra, fará nun xantar en Baiona o vindeiro día 24 a presentación nacional aos medios de comunicación de "El azar de Laura Ulloa" editada por Planeta.

Máis información en La Voz de Galicia