Creadores e consumidores dos distintos ámbitos culturais desenvolveron, arredor do evento Achegarte, unha serie de debates encol da situación da nosa cultura. Da participación en liña e mais das mesas redondas xurdiu un manifesto no que se reclama o apoio público á cultura do país e se aposta pola posibilidade dun contorno en galego nun momento no que “nunca tanto e tan bo houbo” na nosa creación. Entre as reivindicacións do sector está a configuración dun espazo de encontro e debate multisectorial, e alértase do risco de que a actual precariedade afece ao futuro da nosa cultura. Tati Mancebo, coordinadora destes debates, explícanos os resultados desta iniciativa.
