A Coruña acollerá en abril unha nova edición do encontro Achegarte

Nado en 2009 como continuidade do Culturgal, nun momento no que a Xunta renunciara á celebración deste evento, o encontro Achegarte volta á Coruña. Organizado pola Concellaría de Cultura, os días 2 e 3 de abril Palexco acollerá un evento que quere darlle un maior protagonismo ás asociacións e á cultura de base, así como aos creadores do noso país. No encontro, ademais de postos de venda e de promoción, haberá debates, proxeccións, concertos e presentacións de todo tipo. Ademais, desenvolverase o ciclo de diálogos Cara a cara entre diferentes creadores, ou o Foro Galego sobre o estado da Cultura, entre outras iniciativas.