O Diario Oficial publica hoxe unha resolución que facilita ao director do CGAC, Miguel von Hafe, asumir competencias de carácter contable para mellorar o seu desenvolvemento . É un feito inhabitual dentro da dinámica da institución que permitirá, segundo se explica no propio DOG, “unha maior axilización no trámite e resolución dos asuntos administrativos”. A fórmula ten carácter reversible, xa que o Director Xeral de Patrimonio (entidade á que está adscrita o CGAC) pode reclamar en calquera momento o exercicio desta competencia.
