Os planos de normalización lingüística serán obxecto de análise a semana que vén nos “Encontros para a Normalización Lingüística” que se celebran no Consello da Cultura Galega. Unhas xornadas nas que se analizará a planificación para defensa e normalización do idioma desde as accións concretas (como os planos das Universidades) ata as accións globais (a política da UE con respecto ás linguas minoritarias). A primeira mesa de traballo será a do director xeral de Política Lingüística, Xesús P. González Moreiras, que explicará o plan que se está a elaborar desde a Xunta de Galicia.
Máis información na web do Consello da Cultura Galega
